Marko Rubio Venesuela müxalifətinin lideri ilə görüşəcək
Operativ Media
ABŞ dövlət katibi Marko Rubio yanvarın 28-də Venesuela müxalifətinin lideri Mariya Korina Maçado ilə görüşəcək.
Operativ Media xəbər verir ki, Rubionun cədvəlinə əsasən, görüş ABŞ Dövlət Departamentində Bakı vaxtı ilə saat 22:00-da keçiriləcək. Görüşün mövzusu açıqlanmayıb. Tədbir jurnalistlər üçün qapalı olacaq və əvvəlcədən rəsmi çəkilişin aparılması planlaşdırılmır.
Yanvarın 15-də ABŞ prezidenti Donald Tramp Maçado ilə görüşüb. Ağ Ev görüşün məqsədinin Venesueladakı real vəziyyətin müzakirəsi olduğunu bildirib. Yanvarın 22-də Tramp Maçado ilə telefon danışığı apardığını da açıqlayıb. Amerika lideri eyni zamanda Venesuela prezidentinin elçisi Delsi Rodrigezin ölkəyə inamla rəhbərlik etdiyinə inandığını qeyd edib.
