Trampın Sülh Şurasındakı səlahiyyətləri açıqlanıb

Sülh Şurasının qətnamə layihəsində ABŞ Prezidenti Donald Trampa müharibədən zərər çəkmiş Qəzza zolağını idarə etmək üçün geniş səlahiyyətlər verəcək yeni beynəlxalq qurumun fəaliyyəti təsvir olunur.

Operativ Media xəbər verir ki, bu barədə "The New York Times" məlumat yayıb.

Bildirilib ki, Sülh Şurası sədr olan Trampa Qəzza zolağını idarə etməyə və məsuliyyətləri bölüşdürməyə kömək edəcək yüksək vəzifəli şəxsləri təyin etməyə icazə verəcək.

Tramp həmçinin fövqəladə hallarda qətnamələri təsdiqləmək və onları dayandırmaq səlahiyyətinə malik olacaq.

Qətnamə layihəsinə görə, Sülh Şurası on milyardlarla dollara başa gələcəyi və illərlə çəkəcəyi gözlənilən Qəzzanın yenidən qurulmasını əlaqələndirəcək və həmçinin oraya humanitar yardımın çatdırılmasını asanlaşdıracaq.

Layihə həmçinin anklavda insanların təhlükəsiz şəkildə yardım ala biləcəyi "humanitar zonalar"ın yaradılmasını tələb edir.