İran ordusunun baş komandanının müavini ABŞ-nin mümkün hücumuna cavab verəcəklərini bəyan edib.

Operativ Media ISNA agentliyinə istinadən xəbər verir ki, bunu jurnalistlərə açıqlamasında İran Silahlı Qüvvələrinin baş komandanının müavini Həbibulla Səyyari deyib.

O bildirib ki, təhdidlərin xarakterindən dəniz, quru və ya hava məkanından asılı olmayaraq ordunun döyüş hazırlığı dəyişmir.

H.Səyyarinin sözlərinə görə, İran Silahlı Qüvvələri ölkənin ərazi bütövlüyünü və müstəqilliyini qorumağa tam hazırdır.

O vurğulayıb ki, ABŞ hücum edəcəyi təqdirdə ciddi itkilərlə üzləşəcək.