Gürcüstan və Slovakiya XİN rəhbərləri görüşüb

Gürcüstanın xarici işlər naziri Maka Boçorişvilinin Slovakiya Respublikasına ikitərəfli səfəri çərçivəsində Slovakiyanın xarici işlər və Avropa işləri naziri Yuray Blanar ilə görüşüb.

Operativ Media xəbər verir ki, bu barədə Gürcüstan Xarici İşlər Nazirliyi məlumat yayıb.

Tərəflər ikitərəfli münasibətlərin cari məsələlərini və əməkdaşlığın dərinləşdirilməsi perspektivlərini müzakirə ediblər. Siyasi dialoqun və ikitərəfli səfərlərin aktiv dinamikası vurğulanıb.

Ticarət-iqtisadi əlaqələrin dərinləşdirilməsi və mövcud potensialdan tam istifadə edilməsi məsələsi müzakirə edilib.