ABŞ öz ərazisində uranın zənginləşdirilməsini bərpa edəcək.

Operativ Media xəbər verir ki, bu barədə ABŞ-nin energetika naziri Kris Rayt bildirib .

Məlumata görə, Fransanın Orano şirkəti Tennessi ştatında uran zənginləşdirmə zavodunun tikintisi üçün ABŞ Energetika Nazirliyindən 900 milyon dollar alıb.

Rayt bildirib ki, bəzi silah laboratoriyaları istisna olmaqla, ABŞ-də uranı zənginləşdirən şirkətlər, demək olar ki, yoxdur.

Onun sözlərinə görə, ölkənin milli təhlükəsizliyi üçün müvafiq müəssisələrin yeni nəsil reaktorlar üçün təchizatı təmin etməsi zəruridir.