Danimarka kralı Qrenlandiyaya səfər edib

Danimarka kralı Frederik Qrenlandiyaya səfər edib.

Operativ Media xəbər verir ki, bu barədə "Reuters" məlumat yayıb.

Agentliyin məlumatına görə, monarx bu addımla ABŞ prezidenti Donald Trampın adanı ələ keçirmək cəhdləri fonunda Danimarkanın ərazi bütövlüyünü vurğulamaq istəyir.

Tramp ABŞ-nin öz təhlükəsizliyi üçün Qrenlandiyaya ehtiyacı olduğunu bildirib. Bu məsələ ABŞ ilə Avropa ölkələri arasında gərginliyin artmasına səbəb olub.

Qrenlandiya, Danimarka və ABŞ böhranı həll etmək üçün yanvar ayının sonlarında diplomatik danışıqlara başlayıblar.