Polşa piyada əleyhinə minaları qadağan edən Ottava Konvensiyasından çıxıb

Polşa piyada əleyhinə minaları qadağan edən Ottava Konvensiyasından çıxıb və 20 fevral tarixindən etibarən onun çərçivəsindəki öhdəliklərini yerinə yetirməyi dayandıracaq.

Operativ Media xəbər verir ki, bu barədə Polşa mediası məlumat yayıb.

Daha əvvəl Polşanın Baş naziri Donald Tusk "Polşa hazırda piyada əleyhinə minaların istifadəsini, yığılmasını, istehsalını və ötürülməsini qadağan edən Ottava Konvensiyasından çıxır" deyə açıqlama vermişdi.

Qeyd edək ki, Litva, Latviya, Estoniya və Finlandiya da əvvəllər piyada əleyhinə minaların qadağan edilməsi ilə bağlı Ottava Konvensiyasından çıxdıqlarını elan etmişdilər.