Avstriyalı alimlər dünyanın ən kiçik QR kodunu yaradıblar
Vyana Texnologiya Universitetinin (TU Wien) alimləri Cerabyte ilə birlikdə dünyanın ən kiçik QR kodunu yaratdılar.
Operativ Media xarici KİV-ə istinadən xəbər verir ki, rekord təsdiqlənib və rəsmi olaraq Ginnesin Rekordlar Kitabına daxil edilib .
QR kodunun sahəsi cəmi 1,98 kvadrat mikrometrdir - əksər bakteriyalardan kiçikdir. Onu yalnız elektron mikroskopla görmək mümkündür.
Kod daşıyıcısı kimi nazik keramika təbəqəsindən istifadə edilib. Material istənilən şəraitdə uzun müddət sabit qaldığı üçün seçilib. QR kodunu tətbiq etmək üçün fokuslanmış ion şüalarından istifadə edilib. Fərdi piksellərin ölçüsü 49 nanometrdən çox olmayıb - bu, görünən işığın dalğa uzunluğundan 10 dəfə kiçikdir və kodu çılpaq gözlə görmək mümkün deyil.
Alimlərin fikrincə, belə bir keramika təbəqəsi 2 terabayta qədər məlumat saxlaya bilər. Bu cür inkişaflar dünyada informasiya arxivləşdirilməsinə artan ehtiyacı ödəməyə kömək edəcək.
