Nepalda sərnişin daşıyan avtobus çaya düşüb, ölənlər var

Nepalın mərkəzində sərnişin avtobusu çaya düşüb, nəticədə 18 nəfər ölüb.

Operativ Media xəbər verir ki, bu barədə "The Kathmandu Post" qəzeti məlumat yayıb.

İlkin məlumatlara görə, 35-dən çox sərnişin daşıyan avtobus Pokharadan Katmanduya gedirmiş. Trişuli çayına düşmə səbəbi hazırda məlum deyil.

Dhading Rayon Yol Polisi Şöbəsinin rəisi Şişir Thapa bildirib ki, ölənlərin sayı 18 nəfərə çatıb. Yaralılardan iyirmi beşi xəstəxanaya aparılıb.

Nepal hərbçiləri, polis və yerli sakinlərin iştirakı ilə xilasetmə əməliyyatı başlayıb.