İsrail ordusu Qəzzanın cənubunda silahlı radikalın məhv edildiyini açıqlayıb

İsrail qoşunları Qəzza zolağının cənubunda hərbçilərə təhlükə yaradan silahlı fələstinli radikalı məhv ediblər.

Operativ Media xəbər verir ki, bu barədə ordunun mətbuat xidməti məlumat verib.

"Terrorçu sarı xətti keçib qoşunlara yaxınlaşaraq dərhal təhlükə yaradıb. Şəxsiyyəti müəyyən edildikdən dərhal sonra hərbçilər təhlükəni aradan qaldırmaq üçün terrorçunu məhv ediblər", - deyə açıqlamada bildirilir.

Mətbuat xidməti qeyd edib ki, İsrail ordusu atəşkəs razılaşmasına uyğun olaraq Qəzza zolağında yerləşdirilib.