Netanyahu ölkə vətəndaşlarını göstərişlərinə əməl etməyə çağırıb

İsrailin Baş naziri Benyamin Netanyahu ölkə vətəndaşlarını Baş Arxa Cəbhə Komandanlığının göstərişlərinə əməl etməyə çağırıb.

Operativ Media-nın məlumatına görə, bu barədə İsrail KİV-i xəbər verir.

Onun sözlərinə görə, İsrail və ABŞ İran tərəfindən mövcud təhlükənin aradan qaldırılması üzrə əməliyyata başlayıb.

"Mən sizə, İsrail vətəndaşlarına müraciət edərək Baş Arxa Cəbhə Komandanlığının göstərişlərinə əməl etməyə çağırıram. Yaxın günlərdə "Şir nərəsi" əməliyyatı zamanı hamımıza dözüm və mənəvi güc lazım olacaq", - o, müraciətində qeyd edib.