Boliviya Hərbi Hava Qüvvələrinə məxsus hərbi nəqliyyat təyyarəsinin El Alto hava limanı yaxınlığında qəzaya uğraması nəticəsində ölənlərin sayı 24-ə çatıb.

Operativ Media xəbər verir ki, bu barədə Boliviya Polisinin Regional Komandanı Karlos Valensiya bildirib. 

Bildirilib ki, təyyarənin qalıqları və fraqmentlərinin müayinəsi zamanı təyyarənin konstruksiyası altında əzilmiş avtomobildə əlavə cəsədlər aşkar edilib.

Qeyd edək ki, fevralın 27-də "C-130 Hercules" təyyarəsi hava limanına eniş edərkən naməlum səbəblərdən aerodromdan sürüşərək avtomobillərlə toqquşub.