Pambıq mahlıcı və ipliyinin istehsalı artıb

Bu ilin yanvar ayında ölkədə 17,2 min tondan çox pambıq mahlıcı və 2,1 min ton pambıq ipliyi istehsal edilib.

Dövlət Statistika Komitəsindən Operativ Media-ya verilən məlumata əsasən, 2025-ci ilin eyni dövrünün göstəricisinə nisbətdə pambıq mahlıcının istehsalı 11,4 faiz, pambıq ipliyinin istehsalı isə 52,7 faiz artıb.

Fevral ayının 1-nə hazır məhsul ehtiyatı pambıq mahlıcı üzrə təqribən 42,4 min ton, pambıq ipliyi üzrə isə 5,3 min ton təşkil edib.