İsrail Hərbi Hava Qüvvələri gecə ərzində əsasən İran İslam Respublikasının raket mərkəzlərini hədəf alaraq Tehrana bir sıra zərbələr endirib.

Operativ Media xəbər verir ki, bu barədə İsrail ordusunun mətbuat xidməti məlumat yayıb.

Məlumata görə, onlarla hədəf vurulub. Hədəflər arasında ballistik raket komponentlərinin istehsalı və inkişafı üçün istifadə edilən SEPAH-ın mərkəzi kompleksi, raket hissələrinin anbarı, raket yanacağının istehsal olunduğu İran Müdafiə Nazirliyinin kompleksi və ballistik raket hissələri istehsal edən zavod da var.