Banqladeşdə avtobus çaya düşüb, 23 nəfər ölüb

Banqladeşdə avtobusun Padma çayına düşməsi nəticəsində 23 nəfər həlak olub.

Operativ Media xəbər verir ki, bu barədə "The Times of İndia" məlumat yayıb.

Bildirilib ki, sərnişinləri daşıyan avtobus pontonda bərəyə minmək üçün gözləyərkən çaya düşüb.

Gəmidə təxminən 40 nəfər olub, 11 sərnişin sahilə təkbaşına çatmağı bacarıb.

Xilasedicilər qəzadan altı saat sonra avtobusu çay yatağından çıxarıblar. İyirmi üç nəfərin meyiti tapılıb, bir neçə sərnişin itkin düşüb.