İqtisadiyyat naziri Mikayıl Cabbarov Ukraynanın Baş nazirinin yenidənqurma işləri üzrə müavini, icmalar və ərazilərin inkişafı naziri Oleksiy Kuleba  ilə görüşüb.

Operativ Media xəbər verir ki, bunu iqtisadiyyat naziri Mikayıl Cabbarov "X" sosial şəbəkəsindəki hesabında bildirib.

"Ümumdünya Şəhərsalma Forumu (WUF13) çərçivəsində Ukraynanın Baş nazirinin yenidənqurma işləri üzrə müavini, icmalar və ərazilərin inkişafı naziri Oleksiy Kulebanı ölkəmizdə qarşılamaqdan məmnun olduq. İqtisadi əməkdaşlığın prioritet istiqamətlərini, Orta Dəhlizin strateji üstünlüklərini və regional bağlantıların gücləndirilməsində rolunu qeyd etdik. Birgə fəaliyyətin sənaye, energetika və infrastruktur sahələrində genişləndirilməsi və SOCAR-la işbirliyinin perspektivləri barədə müzakirələrimiz oldu", - deyə o qeyd edib.