Azərbaycan və Belarus arasında şəhərsalma üzrə əməkdaşlığın inkişafı müzakirə edilib.

Operativ Media bu barədə Dövlət Şəhərsalma və Arxitektura Komitəsinə istinadən xəbər verir.

Məlumata görə, qurumun sədri Anar Quliyev Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində Belarusun memarlıq və tikinti naziri Aleksandr Studnev ilə görüş keçirib.

Görüş zamanı iki ölkə arasında həyata keçirilən birgə şəhərsalma, memarlıq, eləcə də layihələndirmə sahəsində əməkdaşlığın inkişaf perspektivləri müzakirə edilib. Eyni zamanda, Qarabağ və Şərqi Zəngəzurda aparılan bərpa və yenidənqurma işləri çərçivəsində hər iki ölkənin layihə institutları arasında əməkdaşlıq, "ağıllı şəhər" və "ağıllı kənd" konsepsiyalarının tətbiqi ətrafında fikir mübadiləsi aparılıb.