Bakıda Azərbaycan və Böyük Britaniya arasında enerji və dekarbonizasiya layihələri müzakirə edilib

Energetika naziri Pərviz Şahbazov Böyük Britaniyanın Şərqi Avropa və Mərkəzi Asiya üzrə ticarət komissarı David Reed ilə görüşüb.

Operativ Media xəbər verir ki, bu barədə Pərviz Şahbazov “X” sosial şəbəkə hesabında etdiyi paylaşımda bildirib.

Görüşdə bp ilə həyata keçirilən neft-qaz və dekarbonizasiya layihələrinin inkişafı, regional interkonnektorlar üzrə əməkdaşlıq imkanları, həmçinin Hökumətlərarası Komissiyanın növbəti iclası ilə bağlı müzakirələr aparılıb.