Bakıda “Beynəlxalq Maliyyə və Bankçılıq Sammiti 2026” keçirilir

Bakıda “Beynəlxalq Maliyyə və Bankçılıq Sammiti 2026: Türk Dövlətlərinin Qlobal Maliyyə İnteqrasiyası”adlı tədbir öz fəaliyyətinə başlayıb.

Operativ Media xəbər verir ki, iki günlük beynəlxalq konfrans regonal və türkdilli dövlətlərin maliyyə sistemlərinin qlobal maliyyə məkanına inteqrasiyasını sürətləndirmək məqsədilə keçirilir.

Tədbir Türkdilli Dövlətlərin Bank Assosiasiyaları Şurası (CBATS), Azərbaycan Respublikasının Mərkəzi Bankı, Qazaxıstan, Qırğızıstan, Özbəkistan və Türkiyə bank assosiasiyaları, Qazaxıstan Maliyyəçilər Assosiasiyası, eləcə də digər tərəfdaş qurumların dəstəyi ilə keçiriləcək. Qlobal Tərəfdaş isə VISA şirkətidir.

Sammit çərçivəsində 2026-cı il üzrə qlobal bankçılıq və maliyyə sektorunda əsas trendlər müzakirə olunacaq. Tədbirin hədəfləri regional əməkdaşlığın möhkəmləndirilməsi (tənzimləmələrin uyğunlaşdırılması, ödəniş sistemlərinin inteqrasiyası, müxbir bank əlaqələrinin inkişafı), beynəlxalq tərəfdaşlıqların təşviqi və ortaq maliyyə baxışının formalaşdırılmasıdır.

Tədbir regional ölkələrin maliyyə rəhbərlərini, qlobal sənaye ekspertlərini və innovativ həllər təqdim edən şirkətlər daxil olmaqla 1500 iştirakçını bir araya gətirir.