Ölkədən 3,9 milyon dollarlıq kartof ixrac edilib

Bu ilin yanvar-aprel aylarında ölkədən 3,9 milyon ABŞ dolları dəyərində 10,4 min tondan çox kartof ixrac edilib.\

Dövlət Gömrük Komitəsindən Operativ Media-ya verilən məlumata əsasən, ötən ilin müvafiq dövrü ilə müqayisədə ixracın dəyəri 2,2 dəfə, həcmi isə 2 dəfə artıb.

Cari ilin ilk dörd ayında kartofun ümumi ixracda xüsusi çəkisi 0,03 faizə, qeyri-neft məhsullarının ixracında çəkisi isə 0,08 faizə bərabər olub.