Tranzit yük daşımalarının həcmi artırılacaq

Dəmir yolu ilə tranzit daşımalarının həcminin artırılması məqsədilə 303 platforma vaqon və 18 drezin alınaraq ölkəyə çatdırılıb.

‘’Azərbaycan Dəmir Yolları’’ QSC-dən “Operativ Media"ya verilən məlumata görə, yeni nəsil drezinlər yol təsərrüfatı, elektrik təchizatı, habelə işarəvermə sahəsində təmir-tikinti işlərinin çevik aparılmasına, infrastrukturun saz vəziyyətdə saxlanılmasına, bununla da hərəkətin təhlükəsizliyinə töhfə verəcək.

Yeni alınan 303 platforma vaqonu isə tranzit daşımaları, xüsusilə Şərq-Qərb istiqamətində yük daşımaların həcminin artırılmasına geniş imkanlar açacaq.

Qeyd edək ki, cari ilin yanvar-mart aylanında ADY tərəfindən 4,44 milyon tondan çox yük daşınıb ki, bu da bir il öncəki göstəricini 17 faiz üstələyir. Ötən ilin birinci rübündə QSC tərəfindən 3,8 milyon tondan çox yük daşınıb.