"Sabah"ın UEFA Çempionlar Liqasının pley-off mərhələsində "Hapoel" (Beer-Şeva, İsrail) ilə keçirəcəyi ilk oyunun hakimləri bəlli olub.

Operativ Media  xəbər verir ki, matçı italiyalı FIFA referisi Davide Massa idarə edəcək.

Ona həmyerliləri Filippo Meli və Alessio Berti kömək edəcəklər. Dördüncü hakim Matteo Marsenaro olacaq. VAR-da Marko Di Bello, AVAR-da isə Valerio Marini əyləşəcəklər.

Qeyd edək ki, "Sabah" ilə "Hapoel" arasında ilk görüş avqustun 19-da Rumıniyanın paytaxtı Buxarestdəki "Culeşti" stadionunda baş tutacaq. Cavab oyunu isə avqustun 25-də Tofiq Bəhramov adına Respublika stadionunda keçiriləcək.