General-mayor Abbasəli Novruzov son mənzilə yola salınıb

Azərbaycan sərhəd mühafizəsinin inkişafında mühüm xidmətləri olmuş, “Şöhrət” və “Azərbaycan Bayrağı” ordenli general-mayor Abbasəli Ramazan oğlu Novruzovun dəfn mərasimi keçirilib.

DSX-dən Operativ Media-ya verilən məlumata görə, Hərbi Memorial Məzarlıqda keçirilən mərasimdə mərhumun ailə üzvləri, Dövlət Sərhəd Xidməti və Müdafiə Nazirliyinin rəhbər heyəti, hərbi qulluqçular, veteran sərhədçilər, dövlət qurumlarının əməkdaşları, eləcə də ictimaiyyət nümayəndələri iştirak ediblər.

Mərasimdə mərhumun xatirəsi ehtiramla yad edilmiş, ailə üzvlərinə və yaxınlarına dərin hüznlə başsağlığı verilib.