Modriçin 13 yaşlı qızı "Real Madrid"in akademiyasına qoşulub

Madrid "Real"ının sabiq yarımmüdafiəçisi Luka Modriçin qızı Ema karyerasını İspaniya klubunun akademiyasında davam etdirəcək.

​Operativ Media xəbər verir ki, bu barədə "Madrid Xtra" məlumat yayıb.

Məlumata görə, 13 yaşlı futbolçu "kral klubu"nun qadınlardan ibarət gənclər komandası ilə müqavilə bağlayıb.

​O, bu keçidə qədər İtaliyanın "Milan" klubunun gənclər kollektivinin şərəfini qoruyub. Luka Modriç və həyat yoldaşı Vanya Bosniçin böyük övladı olan Ema Modriç artıq yeni komandasında məşqlərə başlayıb.

​Xatırladaq ki, 40 yaşlı xorvatiyalı yarımmüdafiəçi 2012-2025-ci illər aralığında "Real Madrid"in heyətində çıxış edib. Təcrübəli futbolçu bu klubdakı çıxışını başa vurduqdan sonra karyerasını "Milan"da davam etdirmək qərarına gəlib.