"Trabzonspor" Kərim Benzema ilə maraqlanır

Türkiyənin "Trabzonspor" klubu "Əl-Hilal"da çıxış edən hücumçu Kərim Benzema ilə təmas quraraq transfer şərtləri ilə maraqlanıb.

​Operativ Media xəbər verir ki, bu barədə türkiyəli jurnalist Yağız Sabuncuoğlunun paylaşımında bildirilib.

​Məlumata görə, Karadeniz təmsilçisi bu transfer pəncərəsində keçidi baş tutmayan Darvin Nunyesə alternatif olaraq 38 yaşlı fransalı forvardın namizədliyini nəzərdən keçirir. Təcrübəli oyunçunun Səudiyyə Ərəbistanı klubu ilə müqavilə müddəti 2027-ci ilə qədər nəzərdə tutulub. "Transfermarkt" portalı onun transfer dəyərini 5 milyon avro qiymətləndirir.

​Qeyd edək ki, Benzema cari mövsümdə şans qazandığı 2 rəsmi matçda 1 dəfə fərqlənməyi bacarıb.