Azərbaycandan 100 milyon dollardan çox meşə fındığı ixrac edilib

Bu ilin yanvar-iyul aylarında ölkədən 100,2 milyon ABŞ dolları dəyərində 8,8 min tondan çox meşə fındığı ixrac edilib.

Operativ Media Dövlət Gömrük Komitəsinə istinadən xəbər verir ki, ötən ilin müvafiq dövrü ilə müqayisədə ixracın dəyəri 21,5 faiz artıb, həcmi isə 22,2 faiz azalıb.

Cari ilin ilk yeddi ayında meşə fındığının ümumi ixracda xüsusi çəkisi 0,52 faizə, qeyri-neft məhsullarının ixracında çəkisi isə 1,69 faizə bərabər olub.