Azərbaycan və ABŞ arasında ikitərəfli əməkdaşlıq imkanları müzakirə edilib

ABŞ-nin Azərbaycandakı müvəqqəti işlər vəkili Emi Karlon və İsmayıllı Rayon İcra Hakimiyyətinin başçısı Nahid Bağırov bölgənin inkişafı, iqtisadi potensialı və ikitərəfli əməkdaşlıq imkanlarını müzakirə ediblər.

Operativ Media xəbər verir ki, bu barədə səfirlik sosial media hesabında paylaşım edib.

Görüşdə həmçinin artan ABŞ-Azərbaycan tərəfdaşlığı və iqtisadi inkişaf, investisiya və insanlararası əlaqələr də daxil olmaqla, əməkdaşlığın genişləndirilməsi üçün çərçivə yaradan Strateji Tərəfdaşlıq Xartiyası vurğulanıb.