ABŞ və BƏƏ prezidentləri Yaxın Şərqdəki hadisələri müzakirə ediblər

ABŞ Prezidenti Donald Tramp və BƏƏ Prezidenti Şeyx Məhəmməd bin Zayed Əl Nəhyan telefon danışığı zamanı Yaxın Şərqdəki hadisələri müzakirə ediblər.

Operativ Media xəbər verir ki, bu barədə "WAM" agentliyi məlumat yayıb.

Agentliyin məlumatına görə, iki lider qarşılıqlı maraq doğuran məsələlər, xüsusən də Yaxın Şərqdəki hadisələr və bu istiqamətdə davam edən səylər barədə fikir mübadiləsi aparıblar.

Onlar həmçinin iki ölkə arasında əməkdaşlıq və qarşılıqlı maraqların dəstəklənməsi üçün birgə işin gücləndirilməsi yollarını müzakirə ediblər.