Almaniyada benzinin qiyməti rekord həddə çatıb

Almaniyada E10 benzininin qiyməti ABŞ və İran arasında münaqişənin yeni eskalasiyası fonunda rekord həddə çatıb.

Operativ Media xəbər verir ki, bu barədə "DPA" məlumat yayıb.

Agentliyin məlumatına görə, ölkədə E10 benzininin orta qiyməti litri üçün 2,21 avroya yüksəlib. Əvvəlki rekord 2022-ci ilin mart ayında litri üçün 2,20 avro ilə qeydə alınıb.

Agentlik qeyd edir ki, bu, nominal qiymət rekordudur. İnflyasiya nəzərə alınmaqla, benzin əvvəlki dövrlərdə daha baha olub.