Floridada təyyarə qəza edib

ABŞ-nin Florida ştatının Hillsboro qraflığında kiçik "Lancair Evolution" təyyarəsinin qəzaya uğraması nəticəsində 2 nəfər ölüb.

Operativ Media xəbər verir ki, bu barədə qraflığın yanğın-xilasetmə xidməti və şerif ofisi bildirib.

Göyərtədə yalnız 2 nəfər olub və hər ikisi həlak olub.

Yanğın-xilasetmə xidmətinin məlumatına görə, təyyarə hadisədən qısa müddət əvvəl "Tampa Executive Airport" hava limanından uçub.

Qəzanın səbəbi hələlik müəyyən edilməyib.