Nepalda ölənlərin sayı 1287-yə çatıb

Nepalda baş verən güclü daşqın nəticəsində ölənlərin sayı 1287 nəfərə çatıb, 5083 nəfər isə itkin düşmüş hesab olunur.

Operativ Media bu barədə xarici KİV-ə istinadən xəbər verir.

Nəşrin məlumatına görə, Rasua rayonunda Bxote-Kosi çayında baş verən fəlakətli daşqın nəticəsində indiyədək 1287 nəfərin meyiti aşkarlanıb.

“Daşqın və fəlakət nəticəsində 5083 nəfər itkin düşmüş hesab olunur. Onlardan 2130-u Rasuadan, 2340-ı Nuvakotdandır, 583-ü isə xarici vətəndaşlardır”, - deyə məlumatda bildirilir.

Daşqın avqustun 26-da səhər saatlarında Nepaldakı şimal rayonlarını cənginə alıb. Buna Çindən gələn güclü su axınının Bxote-Kosi çayına tökülməsi səbəb olub.

Güclü sel buzlağın qopması və bunun ardınca baş verən torpaq sürüşməsi nəticəsində yaranıb.