Paşinyan Türkmənistanda MDB iclasında iştirak edəcək

Türkmənistan Prezidenti Serdar Berdiməhəmmədovla telefon danışığı zamanı Ermənistanın Baş naziri Nikol Paşinyan Ermənistanın bu ilin oktyabr ayında Türkmənistanda keçiriləcək MDB Dövlət Başçıları Şurasının iclasında fəal iştirak edəcəyini təsdiqləyib.

Operativ Media xəbər verir ki, bu barədə Türkmənistan televiziyasında yayımlanan "Vətən" xəbər proqramı məlumat verib.

Xəbər proqramına görə, liderlər arasında söhbət cümə günü Ermənistan tərəfinin təşəbbüsü ilə baş tutub. 

Söhbət zamanı Berdiməhəmmədov Türkmənistanın MDB-yə sədrliyi çərçivəsində oktyabrın 9-da Avaza Milli Turizm Zonasında MDB dövlət başçılarının zirvə toplantısının keçiriləcəyini qeyd edib və Paşinyanı iştirak etməyə dəvət edib.

Baş nazir Nikol Paşinyan dəvətə görə təşəkkür edərək qeyd edib ki, Türkmənistanın regionda davamlı inkişafın gücləndirilməsinə yönəlmiş xarici siyasəti beynəlxalq ictimaiyyət tərəfindən geniş dəstəklənir və həmçinin, Ermənistanın bu zirvə toplantısında fəal iştirak edəcəyini bildirib", - deyə bəyanatda bildirilir.