Yaqo Aspas 4 həftəlik sıradan çıxıb

“Selta”nın hücumçusu Yaqo Aspas “Malaqa” ilə oyunda (1:1) aldığı zədə səbəbindən təxminən 4 həftə komandasına kömək edə bilməyəcək.

Operativ Media xəbər verir ki, bazar günü “Balaidos” stadionunda keçirilən qarşılaşmadan sonra futbolçu MRT müayinəsindən keçib. Nəticədə onun sol budunun düz əzələsində birinci dərəcəli yırtıq aşkarlanıb.

39 yaşlı hücumçu artıq bərpa prosesinə başlayıb və klubun tibbi heyətinin nəzarəti altında müvafiq müalicə alır.

Aspasın məşqlərə və oyunlara qayıdışının dəqiq vaxtı bərpa prosesinin gedişindən asılı olacaq.

Futbolçu bu mövsüm “Selta”nın heyətində 6 matçda 1 qol vurub.