Adilbek Kasımalıyev Çinə işgüzar səfər edəcək

Qırğızıstan Nazirlər Kabinetinin sədri və Prezident Administrasiyasının rəhbəri Adilbek Kasımalıyev Çin Xalq Respublikasının Hançjou şəhərinə işgüzar səfər edəcək.

Operativ Media bu barədə qırğız mediasına istinadən xəbər verir.

Səfər çərçivəsində Adılbek Kasımalıyev ÇXR Dövlət Şurasının Baş naziri Li Çianq, eləcə də müxtəlif şirkət və təşkilatların rəhbərləri ilə görüşlər keçirəcək.

Bundan əlavə, Nazirlər Kabinetinin rəhbəri 5-ci Qlobal Rəqəmsal Ticarət Sərgisini ziyarət edəcək.