Didye Deşam “Mançester Yunayted”in təklifini rədd edib
Fransa millisinin sabiq baş məşqçisi Didye Deşam “Mançester Yunayted”də işləmək niyyətində deyil.
Operativ Media xəbər verir ki, “Daily Mirror” nəşrinin məlumatına görə, 57 yaşlı mütəxəssis İngiltərə klubuna bu vəzifəyə təyin olunmaq variantını nəzərdən keçirmədiyini bildirib. O, Fransa millisindən ayrıldıqdan sonra istirahət etmək və hələlik məşqçilik fəaliyyətinə qayıtmamaq qərarına gəlib.
Qeyd edək ki, noyabrın 5-də “Foot Mercato” Deşamla mümkün təyinatı müzakirə etmək üçün “Mançester Yunayted” rəhbərliyinin onunla əlaqə saxladığını yazmışdı.
Hazırda İngiltərə təmsilçisinin baş məşqçisi Maykl Kerrikdir. Onun rəhbərliyi altında komanda 7 xalla Premyer Liqanın 2026/2027-ci illər mövsümünün turnir cədvəlində 18-ci pillədə qərarlaşıb.
Didye Deşam 2012–2026-cı illərdə Fransa millisinə rəhbərlik edib. Onun baş məşqçiliyi dövründə komanda 2018-ci ildə dünya çempionu, 2021-ci ildə isə Millətlər Liqasının qalibi olub. Fransa yığması, həmçinin 2016-cı il Avropa çempionatının və 2022-ci il dünya çempionatının finalına yüksəlib.
