Polis Akademiyasının kursantları Zəfər Gününə həsr olunmuş fləşmob keçiriblər

8 Noyabr – Zəfər Günü münasibətilə Polis Akademiyasının kursantları tərəfindən fləşmob təşkil olunub.

Operativ Media xəbər verir ki, bu barədə DİN məlumat yayıb.

Fləşmobda kursantların iştirakı ilə ərsəyə gələn kompozisiyada xalqımızın tarixi Zəfərini, milli qürurunu və qalibiyyət əzmini ifadə edən “Zəfərə atılan imza” və “Zəfərin memarı” sözləri əks olunub.

Fləşmobun məqsədi Azərbaycanın şanlı Qələbəsinin əhəmiyyətini, Vətən müharibəsində qazanılmış tarixi Zəfərin gənc nəsil tərəfindən uca tutulduğunu və gələcək nəsillərə ötürülən milli qürur və iftixar mənbəyi olduğunu nümayiş etdirməkdir.