Ərdoğan: Azərbaycan və Ermənistan arasında daimi sülh arzulayırıq

Azərbaycanla Ermənistan arasında daimi sülhün bərqərar olmasını arzulayırıq.

Operativ Media xəbər verir ki, bunu Türkiyə Prezidenti Rəcəb Tayyib Ərdoğan BMT Baş Assambleyasının 81-ci sessiyasında çıxışı zamanı deyib.

O bildirib ki, Türkiyənin Cənubi Qafqaza baxışı aydındır.

“Azərbaycanla Ermənistan arasında daimi sülhün bərqərar olmasını arzulayırıq. Prezident İlham Əliyev və Baş nazir Nikol Paşinyanın ortaya qoyduqları həll iradəsini təqdir edir və dəstəkləyirik. Ermənistanla apardığımız normallaşma prosesini də qətiyyətlə davam etdiririk”, - deyə Ərdoğan qeyd edib.