Azərbaycan üzgüçüsü Dünya Kubokunda finala vəsiqə qazanıb

Bakıda keçirilən "İpək Yolu" (The Silk Road Tour) Dünya Kubokunun üçüncü yarış gününə start verilib.

Operativ Media xəbər verir ki, Azərbaycan təmsilçisi Mehri Abdurəhmanlı 100 metr məsafəyə kəpənək üsulu ilə yarışda finala vəsiqə qazanıb.

Səhər seansında Anastasiya Boborıkina 50 metr məsafəyə brass üsulu ilə yarışda 33,48 saniyə, Yeqor Maynitski isə 200 metr məsafəyə brass üsulu ilə yarışda 2:13,64 nəticə göstərərək Azərbaycan rekorduna imza atıblar.

Axşam seansında Fatimə Alkərəmova, Vlastilina Xasyanova və Anastasiya Qnusina 200 metr məsafəyə arxası üstə üsulla, həmçinin Fatimə Alkərəmova isə 200 metr məsafəyə qarışıq üsulla da yarışda çıxış edəcək.