Quterreş ABŞ-İran danışıqlarını müzakirə etmək üçün Pakistana gedəcək

BMT Baş katibi Antoniu Quterreş ABŞ və İran arasında diplomatik və vasitəçilik səylərini müzakirə etmək üçün bu həftə Pakistana səfər edəcək.

Operativ Media xəbər verir ki, bu barədə BMT-nin baş katibi Antoniu Quterreş məlumat verib.

Quterreşin İslamabadda Baş nazir Məhəmməd Şahbaz Şərif və Baş nazirin müavini, xarici işlər naziri Məhəmməd İshaq Darla görüşməsi planlaşdırılır.

Səfər zamanı Pakistanın ABŞ və İran arasında danışıqları dəstəkləməkdəki rolunun müzakirə olunacağı bildirilir. Quterreşin Pakistana son səfəri 2022-ci ildə daşqınlar zamanı baş tutub.