Ağ Evin keçmiş mətbuat katibi “Fox News”da işləyəcək

Ağ Evin keçmiş mətbuat katibi Kerolin Livitt noyabrın 1-dən etibarən “Fox News”da tam ştatlı şərhçi kimi fəaliyyət göstərəcək.

Operativ Media xəbər verir ki, bu barədə “Fox News Media”nın baş direktoru Syuzan Skott məlumat verib.

Skott bildirib ki, Livittin Ağ Evdə və prezidentlik kampaniyasındakı təcrübəsi ona ABŞ-dakı siyasi proseslərə özünəməxsus baxış formalaşdırmağa imkan verir.

“Biz onun orijinal və dərin düşüncələrini bütün “Fox News Media” platformalarında auditoriyamızla bölüşməsini səbirsizliklə gözləyirik”, - deyə Skott bildirib.

Qeyd edək ki, Livitt 2025-ci ilin yanvarından 2026-cı ilin avqustuna qədər Ağ Evin mətbuat katibi vəzifəsində çalışıb. O, bu vəzifəni tutan ABŞ tarixində ən gənc şəxs olub.

Livitt administrasiyadan ayrılmasını mətbuat katibi vəzifəsi ilə iki azyaşlı uşağının böyüdülməsi arasında tarazlığı qorumaqda çətinlik çəkməsi ilə izah edib.