Türkiyə və Pakistan hərbçiləri Səudiyyə Ərəbistanına yerləşdiriləcək

Türkiyə və Pakistanın razılaşdırılmış hərbi qüvvələrinin Səudiyyə Ərəbistanına yerləşdirilməsi nəzərdə tutulur.

Operativ Media xəbər verir ki, bu barədə “TRT Haber”ə istinadən məlumat yayılıb.

Qərar Məkkə Ortaq Müdafiə Sazişi çərçivəsində keçirilən Strateji Siyasi və Müdafiə Komitəsinin iclasından sonra qəbul edilən birgə bəyanatda açıqlanıb.

Bəyanatda bildirilib ki, kollektiv müdafiə öhdəliklərinin icrasına dərhal başlanılması və tərəflərin milli qanunvericiliyinə uyğun olaraq razılaşdırılmış hərbi qüvvə və imkanların Səudiyyə Ərəbistanına sürətlə yerləşdirilməsi üçün tədbirlər görüləcək.

Qeyd olunub ki, bu addım təhdidlərə qarşı hazırlıq səviyyəsinin, hərbi inteqrasiyanın və kollektiv müdafiə imkanlarının gücləndirilməsinə xidmət edəcək.