Dünya çempionatı: Zelim Tçkayev 1/8 final mərhələsinə yüksəlib

Bakıda cüdo üzrə böyüklər arasında dünya çempionatı keçirilir.

Operativ Media xəbər verir ki, 81 kq çəki dərəcəsində mübarizə aparan Zelim Tçkayev 1/8 final mərhələsinə yüksəlib.

O, 1/16 finalda Viktor Sterpunu (Moldova) ipponla məğlub edib. O, növbəti raundda Birləşmiş Ərəb Əmirliklərini təmsil edən Nuqzari Tatalaşvili ilə qarşılaşacaq. Xatırladaq ki, Milli Gimnastika Arenasında təşkil olunan mundial oktyabrın 11-də başa çatacaq. Daha əvvəl Azərbaycan təmsilçilərindən Əhməd Yusifov (60 kq) qızıl, Rəşid Məmmədəliyev (73 kq) bürünc medal qazanıb.