Suriyada sursat anbarında güclü partlayış baş verib

Suriyanın İdlib vilayətində, Serakib yaxınlığındakı sursat anbarında baş verən güclü partlayış nəticəsində ərazidə böyük yanğın başlayıb.

Operativ Media xəbər verir ki, bu barədə xarici KİV məlumat yayıb.

Məlumata görə, partlayışdan sonra anbardakı sursatlar bir-birinin ardınca partlayıb, sursat qalıqları ətrafa səpələnib.

Hadisənin səbəbi hələlik məlum deyil. Ölən və yaralananların olub-olmaması barədə rəsmi məlumat açıqlanmayıb.