Böyük Britaniyanın hərbi təyyarəsi həyəcan siqnalı verərək bazaya qayıdıb

Böyük Britaniya Hərbi Hava Qüvvələrinə məxsus hərbi-nəqliyyat təyyarəsi göyərtədə həyəcan siqnalı verdikdən sonra ölkənin cənubundakı Eymsberi hərbi bazasına qayıdıb.

Operativ Media bu barədə xarici KİV-ə istinadən xəbər verir. 

Mənbənin sözlərinə görə, dördmühərrikli turbovintli “Airbus A400M Atlas” hərbi-nəqliyyat təyyarəsi Eymsberi hərbi bazasından havaya qalxdıqdan az sonra həyəcan siqnalı verib. Hazırda təyyarə yanacağın sərf olunması və daha sonra eniş etməsi üçün gözləmə zonasında dövrə vurub.

Mənbə qeyd edib ki, təxminən yeddi il əvvəl Böyük Britaniya Hərbi Hava Qüvvələrinin istismarına verilən təyyarə təxminən 3 kilometr yüksəklikdə, mülki aviasiya üçün müəyyən edilmiş uçuş dəhlizlərindən kənarda dövrə vurur.

Təyyarədə həyəcan siqnalının verilməsinin mümkün səbəbi barədə məlumat açıqlanmayıb.