BMT Putin, Tramp və Si Cinpin arasında mümkün görüşü alqışlayıb

BMT Ukrayna münaqişəsinin başa çatmasına töhfə verə biləcək Rusiya, ABŞ və Çin liderlərinin mümkün üçtərəfli görüşünü dəstəkləyir.

Operativ Media xəbər verir ki, bu barədə BMT-nin Baş katibi Antoniu Quterreşin ofisindən bildirilib.

Qeyd olunub ki, müraciət ediləcəyi təqdirdə Quterreş münaqişənin həlli üçün vasitəçilik etməyə hazırdır.

Rusiya Prezidentinin köməkçisi Yuri Uşakov bildirib ki, Vladimir Putin ABŞ Prezidenti Donald Tramp və Çin lideri Si Cinpinlə noyabrın 18-19-da Şençjendə keçiriləcək APEC sammiti çərçivəsində üçtərəfli görüş imkanlarını müzakirə edib.