Azərbaycan və Estoniya rəqəmsal sahədə əməkdaşlığı genişləndirəcək

Azərbaycan və Estoniya rəqəmsal inkişaf, süni intellekt və innovasiya sahələrində əməkdaşlığın genişləndirilməsi imkanlarını müzakirə edib.

Operativ Media xəbər verir ki, bu barədə rəqəmsal inkişaf və nəqliyyat naziri Rəşad Nəbiyev “X” soial şəbəkəsində paylaşım edib.

Tərəflər süni intellektin dövlət sektorunda tətbiqi, rəqəmsal hökumət, innovativ texnologiyaların təşviqi və texnologiya şirkətləri arasında əlaqələrin gücləndirilməsi məsələlərini müzakirə ediblər.

Həmçinin Hökumətlərarası Komissiya çərçivəsində müzakirələrin davam etdirilməsi və konkret əməkdaşlıq istiqamətlərinin müəyyənləşdirilməsi üçün mütəmadi onlayn görüşlərin keçirilməsi barədə razılıq əldə olunub.