Ər-Riyadda hava limanına zərbə endirilib

Yəmənin şimalına nəzarət edən “Ənsar Allah” hərəkatı (husilər) Ər-Riyaddakı Kral Xalid Beynəlxalq Hava Limanına hücum edib.

Operativ Media xəbər verir ki, bu barədə husilərin sözçüsü Yəhya Sariya “Əl-Məsirə” telekanalına bildirib

O bəyan edib ki, zərbə ballistik raket vasitəsilə endirilib və nəticədə hava limanının terminalına ciddi ziyan dəyib.

O, həmçinin xəbərdarlıq edib ki, Kral Xalid Beynəlxalq Hava Limanı artıq təhlükəsiz deyil, çünki o, hərəkat üçün hərbi hədəfə çevrilib.