Qazi Polad Rzayev Heydər Əliyev zirvəsinə qalxıb

İki ayağını itirmiş qazimiz Polad Rzayev Heydər Əliyev zirvəsinə qalxaraq oradan Ali Baş Komandanın əmri ilə bütün zirvələri fəth etməyə hazırıq mesajını verib.

"Operativ Media" xəbər verir ki, Vətən müharibəsi qazisi bu barədə öz instaqram hesabında paylaşdığı videoda deyib.

O bildirib ki, birinci Qarabağ müharibəsi şəhidinin övladı, 44 günlük Vətən müharibəsində hər iki ayağını itirmiş qazi kimi Heydər Əliyev Zirvəsini fəth edib və bu fəthi şəhidlərimizin xatirəsinə həsr edib.