Bakıda qadının çantasından oğurluq edən Ağdam sakini saxlanılıb

Bakı Şəhər Baş Polis İdarəsi əməkdaşlarının daxil olan məlumat əsasında keçirdikləri əməliyyat tədbiri nəticəsində bir qadının çantasından içərisində pul və sənədlər olan cüzdanını oğurlamaqda şübhəli bilinən Ağdam rayon sakini Cəlaləddin Abdullazadə saxlanılıb. 

DİN mətbuat xidmətindən "Operativ Media"ya verilən məlumata görə, araşdırmalarla onun müxtəlif vaxtlarda paytaxtın ayrı-ayrı rayonlarında daha 6 nəfərdən ümumilikdə 1222 manat və sənədlər olan cüzdanlarını cibgirlik yolu ilə talaması da müəyyən olunub.