Gəncədə borclu qismində axtarışda olan şəxs tutulub, evində narkotik vasitə aşkarlanıb

Gəncə Şəhər Baş Polis İdarəsinin 1-ci Polis Şöbəsi əməkdaşlarının keçirdikləri əməliyyat tədbiri nəticəsində borclu qismində axtarışda olan şəhər sakini, əvvəllər məhkum olunmuş Elnur Əliyev saxlanılıb.

Daxili İşlər Nazirliyinin mətbuat xidmətindən "Operativ Media"ya verilən məlumata görə, onun yaşadığı evin həyətyanı sahəsindən kultivasiya yolu ilə yetişdirilən 2 ədəd çətənə kolu və 740 qram marixuana aşkar olunaraq götürülüb. 

Araşdırma aparılır.